政治不正確:卡雲尼樂極生悲衰多手,或面臨停賽!

球場新聞 於 30/11/2020 發表 收藏文章
昨晚卡雲尼時刻睇到班曼迷大叫好波,咩魔性澎湃出晒嚟,可惜當中嘅主角,卡雲尼,喺賽後手多多放咗張相喺ig,可能搞到一身蟻。

就係以下呢張相啦,呢張相究竟有咩問題呢?


原來相中嘅 "Gracias Negrito!" 政治不正確,有歧視黑人之嫌。我就唔多識拉丁語,不過據聞相中文字嘅意思係「多謝黑人」咁解,咁點解多謝黑人都會出事呢?原來 "Negrito" 一字被認為有踩低黑人嘅意思,當年卡雲尼國家隊隊友蘇亞雷斯就用過呢個字串艾拉,最後被英超賽會罰停賽8場!

不過又有人話呢個字其實好中性,加上卡雲尼係寫「多謝」,所以一定唔係貶意,不過大家都知方丈份人好少器,而英超又出名反歧視,所以一般都估計卡雲尼都應該走唔甩要被罰。其實卡雲尼好快知衰,急急腳刪咗個ig post,可惜已經通晒天。即管睇下卡雲尼好唔好彩,方丈會唔會網開一面啦!
來源:https://www.dailymail.co.uk/sport/sportsnews/article-8999161/Edinson-Cavani-facing-FA-probe-sparking-racism-storm.html
標籤: 卡雲尼  

留言


請按此登錄後留言。未成為會員? 立即註冊
    快捷鍵:←
    快捷鍵:→