FIFA就噓國歌事件向港足總發警告信,球迷反應不一!

球場新聞 於 10/07/2015 發表 收藏文章
國足海報事件餘波未了,較早前在香港舉行的兩場世界盃外圍賽比賽,香港對不丹以及香港對馬爾代夫兩場賽事都有部份球迷在奏中國國歌時發出噓聲,香港足總較早時已勸告球迷冷靜不要噓,以免被國際足協懲罰,以至要閉門作賽。

果然國際足協在7月3日就去信香港足總,信中要求香港足總關注「上述兩場賽事開始前,有香港代表隊球迷向國歌報以噓聲」的情況,並強調「觀眾於任何時候都應該尊重公平競賽的原則,特別是這些原則不單止應用於對賽屬會及其代表隊,亦包括自己的足總及其代表隊。」香港足總其後發新聞稿,再次要求球迷尊重公平競賽的原則,以香港代表隊的利益為最高考慮,不要在奏中國國歌時發出噓聲。


可惜足總的勸告有點事與願違,有不少球迷批評FIFA做法,表示會噓得更大聲;但亦有球迷認為發出噓聲不負責任,不是真心熱愛足球、熱愛港足,一心只想藉機宣洩不滿(以下留言轉自球迷世界):
引用JP Weedy
下次再大聲啲

Tam Kwok Wa
噓咪噓囉,夠膽咪閉門作賽囉

Dave Chor
我噓故我在

亦有球迷表示國際足總自身難保,貪污事件令他們沒有公信力:
引用Andre Wong
講真,邊忽唔尊重場球賽?香港人只係對現實嘅不滿做出理所當然嘅反應,既冇影響賽事進行,亦無做出騷擾對方嘅行為。
如果運動真係要完全脫離政治,我認為足總係堅離地。
Btw, FIFA你收皮啦!貪污案都係涉及大量不當行徑,搞掂好你自己先啦。

Franki Fung
貪污的FIFA叫人Fair Play

有較溫和的球迷表示可以用其他方法宣洩不滿:
引用Leroy Tsang
唔噓囉,全場齋係國歌時做交叉手勢得啦掛

Chung Kit
全部唔出聲背向球場。咁得啦掛!

另外也有球迷批評發出噓聲的球迷不負責任:
引用Thomas Cheung
如果你話繼續噓証明你只係想入場趁熱鬧同俾人知你好威咁噓左國家國歌但就完全唔係支持緊港隊足球。。。搞到扣分閉門作賽等等先開心???!!定到時叫美國英國幫你手杯葛fifa?

Higo Cheung
噓唔係問題,到頭話罰停賽降排名你地可以試下叫足總去信投訴睇下受唔受理
要將足球同政治一齊講就唔係愛足球,更加冇資格做球迷

看來香港與內地的矛盾已伸延至運動場,筆者作為一名球迷,入到球場一心只想睇好波,但球場外一樣會向不公義發聲,兩者並無矛盾,無必要在運動場上作出如此動作。場上只作一件事:為球隊加油,擊敗對手,就已經是最好的支持方法了。

Source:球迷世界

留言


請按此登錄後留言。未成為會員? 立即註冊
  • Julywong 於 11/08/2015 評論 NO. 1

    11月17香港主塲對強國, 一定要收番佢哋600蚊坐龍門後面, 否則一定要追究足總班生螆狗公狗姆賣港責任。

快捷鍵:←
快捷鍵:→