C.朗反是負累?數據顯示無C.朗曼聯勝率更高

球場新聞 於 14/01/2022 發表 收藏文章
根據英國媒體《太陽報》嘅統計,自C.朗拿度(Cristiano Ronaldo)重返曼聯之後,佢缺席嘅比賽勝率比佢上場嘅比賽更高。

自後C.朗拿度上年夏天由意甲嘅祖雲達斯自由轉會以來,佢已經為曼聯踢咗21場比賽,佢喺上述比賽嘅比表都唔錯,21場攻入咗14球,不過只能幫助曼聯贏其中嘅10場比賽,另外4場和波與7場輸波。喺C.朗有出場嘅比賽當中,曼聯平均可以攻入1.6球,但同時亦失掉1.5球,總勝率為48%。

然而,喺C.朗拿度缺席嘅情況,曼聯嘅勝率不跌反升到50%。到目前為止,C.朗已經錯過咗6場比賽,但呢6場比賽入邊,曼聯只有1場失利, 另外3勝和。與此同時,曼聯嘅入波效率雖然差咗,但只係少0.1,平均每場入球都有1.5個,不過失球方面就少得多,平均只有0.7個,足足少咗一半有多。


作為一個進攻球員,缺席比賽時,球隊嘅防守效率竟然可以提高一倍,真係令人有啲費解。不過呢個統計忽略咗一個因素,就係領隊嘅更換有否造就成績嘅差異呢?又或者對手嘅實力差距會否影響這個統計呢?所以筆者認為不能就這個簡單統計而否定C.朗嘅貢獻。

由於髖部受傷,C朗仲喺養傷中,是否喺週六對陣維拉嘅比賽中復出,仍是未知之素,佢已經錯過咗週一曼聯足總盃戰勝維拉嘅比賽。

如果喜歡我們的文章,請即分享到︰

標籤: C.朗  C.朗拿度  

留言


請按此登錄後留言。未成為會員? 立即註冊
    快捷鍵:←
    快捷鍵:→