C朗3分全場最低！比賽途中罕有流露沮喪表情

英超賽事，曼聯以1-1與修咸頓打和，而陣中巨星C.朗拿度嘅表現平平，《曼徹斯特晚報》晚報賽後仲俾咗呢位球星全場最低嘅3分，可見外界對佢嘅表現十分失望。

評論員指出，C朗在比賽中嘅存在感不強，跑動不積極，而且屢屢錯失機會，經常越位更表示佢集中力唔夠。其實C朗自己也意識到自己依家喺曼聯嘅困境，比賽途中，呢位經常喺比賽中激情四射嘅五屆金球獎得主，竟罕有地流露沮喪，甚至想放棄嘅表情。


自從踏入2022年，C朗仍未取得入球，而曼聯嘅戰績也漸漸離前四越來越遠。上年夏天回歸嘅時候，相信無人會諗到C朗如今竟然會落得如此困境。面對外界對佢嘅期望，以及越來越多叫佢應該離開嘅聲音，C朗壓力係前所未有嘅大，以至喺比賽中似乎都無法集中精神。