C朗賽後食呢啲?曼聯門將爆C朗身型係全隊第2 fit!

球場新聞 於 13/09/2021 發表 收藏文章
逆齡生長,年屆36歲嘅C.朗拿度身型有幾fit真係地球人都知。佢有咁fit嘅身型,除咗因為高強度嘅鍛鍊之外,C朗對自己嘅飲食亦係非常苛刻,依家曼聯隊友終於見識過,有C朗做榜樣,呢班紅魔喺C朗面前都要開始控制飲食了。

最近曼聯門將李爾格蘭就接受咗《talksport》嘅訪問,大爆C朗喺賽後嘅飲食,以及一眾隊友嘅反應:「週五晚球隊喺酒店,大家都知咩事,食完晚餐後就梗係要食一啲可以呃下自己嘅嘢食,例如蘋果酥,蛋撻,蛋糕之類啦。

但係突然間嗰日,所有球員都唔敢再掂呢啲嘢食,每個人都睇實C朗隻碟,想睇睇呢位球王係食咩?最後發現碟入邊全部都係裝住藜麥,梨同幾個水煮蛋。呢條友身型真係太fit啦,係全隊第2 fit,僅次於我。

loading

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→