31歲巴爾重回巔峰!再次展現絕技:傳俾3秒後嘅自己

球場新聞 於 01/03/2021 發表 收藏文章
年輕時嘅巴爾係當時地球上速度數一數二最快嘅足球員,當年硬爆世界第一右閘馬干嘅畫面仍歷歷在目 ,2014年嘅國王盃決賽,彎道超車強行突破巴塞右閘巴查,也是球迷心目中嘅永恆經典,自此「傳俾3秒後嘅自己」成為佢嘅絕招。當年嘅巴爾只要大步流星跑起上來,對手只能喺後面吃塵。

彎道超車突破巴查:

硬爆馬干:

呢幾年巴爾年絕越來越大,又受傷患困擾,喺皇馬不受重用嘅情況下,重返了成名地熱刺。經歷了長期嘅養傷同低迷後,巴爾最近終於爆發,打出身價波。昨天嘅比賽,我哋甚至可以睇到巔峰時期「騰雲駕霧」嘅大聖爺。

話說比賽至到第10分鐘,巴爾後場攞球,先係帶波擺脫咗兩名對手球員嘅糾纏,然後喺邊線附近,完成突破,並使出當年嘅絕技:傳俾3秒後嘅自己!


雖然最後呢球轉化唔成入球,但相信球迷已經心滿意足,因為我哋再次睇到嗰個充滿鬥志嘅巴爾。

之前,摩連奴被記者問到點解唔重用狀態大勇嘅巴爾,今場賽後,摩連奴除咗對巴爾是讚不絕口外,更間接答咗呢個問題:「呢個係今季最好嘅巴爾,更加自信,狀態更好,絲毫無受傷病困擾。我為球隊感到高興,因為我地擁有咁樣嘅巴爾。我也為巴爾高興。如果巴爾狀態好嘅話,無教練會唔俾佢出場!」

如果喜歡我們的文章,請即分享到︰

標籤: 巴爾  

留言


請按此登錄後留言。未成為會員? 立即註冊
    快捷鍵:←
    快捷鍵:→