0-3落後時C朗做出奇怪手勢,疑似串蘇B戰術亂咁嚟!

球場新聞 於 27/10/2021 發表 收藏文章
曼聯喺奧脫福嘅主場被利物浦蹂躪,以恥辱嘅0-5結束呢場雙紅會。隊中王牌C朗拿度呢場波有幾郁悶相信唔使我點講,佢表現平平,而且情緒失控,對己隊表現相當不滿。根據英國媒體嘅消息,當曼聯0-3落後嘅時候,C朗向場邊做咗一個奇怪嘅手勢,疑似向教練蘇斯克查表達不滿。

今夏回歸曼聯後,C朗一再強調自己的目標係幫助球隊奪冠,但殘酷嘅事實係,曼聯喺佢回歸之後反而失去咗節奏。喺C朗回歸之前,曼聯本賽季嘅前三輪比賽中攞到7分;C朗回歸之後,曼聯打咗6輪聯賽,先攞到7分,2勝1和3負。喺最近4輪聯賽中,曼聯更加係1和3負,相當慘淡。

曼聯嘅戰績令到C朗飽受詬病,而佢嘅心態同行為亦因此受到影響。喺呢場雙紅會大戰中,C朗失去了對自己情緒嘅控制,竟然喺搶波時向已經倒地嘅鐘斯連踢三腳,引發雙方球員沖突。此外,佢似乎仲對球隊嘅戰術以及隊友嘅防守感到失望,所以我哋睇到佢喺0-3落後時做出奇怪手勢:
loading

loading

雖然唔能夠確定C朗當時嘅手勢意味住啲咩,不過英國媒體都基本上認為C朗係向蘇B嘅戰術表達不滿,更似係想講曼聯嘅戰術亂咁嚟,無章法,踢到亂七八糟!

唔知點解,見到C朗呢一幕,令筆者諗起《逃學威龍》中,周星星指揮隊友嘅手勢:

時間會話我哋知曼聯究竟能否擺脫現時所處嘅困境。佢哋目前喺英超聯賽中排名第七,九場比賽中只贏咗四場,咁對一支被認為可以挑戰冠軍嘅球隊嚟講,可以話係重大打擊!

如果喜歡我們的文章,請即分享到︰

標籤: C朗拿度  C朗  蘇B  蘇斯克查  

留言


請按此登錄後留言。未成為會員? 立即註冊
    快捷鍵:←
    快捷鍵:→