點解救完12碼咁冷靜?當拿隆馬道出原因

球場新聞 於 13/07/2021 發表 收藏文章
意大利昨日成為全世界嘅焦點,而佢哋嘅英雄當拿隆馬更因為救出英格蘭最後一球12碼後嘅「Cool爆」表情,迅速成為網絡熱話。

歐國盃決賽,英格蘭同意大利打到互射12碼分勝負,而雙方最終嘅命運決定於一位19歲嘅小將沙卡同22歲嘅年青鋼龍當拿隆馬身上,結果由當拿隆馬勝出,足球去了羅馬,而不是回歸祖家。

然而,當拿隆馬喺鎖定勝利後並沒有瘋狂地慶祝,喺被隊友圍攻之前,佢Chok住樣,安靜而平靜地開始漫步離開。

好多球迷認為當拿隆馬嘅反應表明咗他冰冷、不慌不忙嘅性格,然而呢位22歲嘅球員透露,佢當時只係無意識到賽事已經結束。佢話:「我無慶祝,因為我未意識到我哋已經贏咗!」

呢名PSG門將當時救完波正轉身離開,諗住等待意大利嘅另一個12碼,然而當佢聽到來自意大利隊嘅慶祝聲,以及向佢衝埋嚟嘅腳步聲,再望一望意大利後備席,先發現原來佢哋已經贏咗。

而事實上,好多意大利球迷都短暫地未盡情慶祝,因為有人仲以為射門比賽仍繼續緊,有啲人甚至錯誤地擔心VAR可能喺檢查緊當拿隆馬嘅腳有無踩線。

其實呢個都唔係第一次有門將喺12碼大戰中忘記比分,英格蘭傳奇球星大衛施文喺96年歐洲盃對陣西班牙時都係咁,直到全隊向佢沖刺時佢先意識到。

當拿隆馬最近離開AC米蘭轉會到PSG,佢係今屆賽事7場比賽中只失4球,成立官方最佳球員。呢位年青鋼龍今年先得22歲,前途可謂無可限量,而意大利亦終於搵到保方嘅接班人!

留言


請按此登錄後留言。未成為會員? 立即註冊
    快捷鍵:←
    快捷鍵:→