麥佳亞鬧費特:X!正白癡!蘇斯克查:爆粗係因為要求高

球場新聞 於 26/04/2021 發表 收藏文章
英超賽事,曼聯作客0-0戰平列斯聯,此役紅魔全隊表現不佳,本來無甚話題可出,不過隊長麥佳亞(Harry Maguire)就為呢場悶戰增添了頭條,因為佢同隊友費特(Frederico Rodrigues)喺場上發生咗啲不愉快事件。


當比賽進行到72分鐘嘅時候,麥佳亞對費特嘅表現感到非常唔滿意,於是當場爆粗「Fxxking idiot!」,而呢一幕就咁啱俾鏡頭捕捉到正!

不過賽後,蘇斯克查對呢事件不屑一顧,話呢個係球員對彼此要求嘅結果。佢話:「我哋係一個對彼此要求好高嘅團隊,無論是喺訓練中抑或喺比賽中,我哋嘅標准都好高!」

佢仲補充話:「我真係為我們睇起來如此強大而感到驕傲,我從不認為佢哋喺下半場威脅到到我哋,不過我哋錯過咗一啲贏得比賽嘅火花。」

其實今次已經係本賽季麥佳亞第二次喺場上同隊友發生沖突。喺上個月與水晶宮嘅比賽中,佢同拉舒福特就試過一次,不過上次係麥佳亞俾人爆粗。(詳見:「收嗲啦!X你!」拉舒福特爆粗鬧爆隊長麥佳亞

如果喜歡我們的文章,請即分享到︰

標籤: 麥佳亞  蘇斯克查  

留言


請按此登錄後留言。未成為會員? 立即註冊
    快捷鍵:←
    快捷鍵:→