魔咒？原來曼治已4年6次失意於溫布萊球場

英格蘭足總盃決賽，利物浦憑住最後階段嘅互射12碼，以6:5取勝，擊敗車路士，向住4冠王進發。

互射12碼階段，車路士先有艾斯派古達（Cesar Azpilicueta）主射中柱，而利物浦亦有文尼宴客，兩軍突然死亡，最後車仔嘅曼治（Mason Mount）射失，紅軍就靠森美卡斯（Kostas Tsimikas）射入，以6:5繼氣走車路士棒盃，亦係繼上次英聯盃決賽後，再贏同一對手捧盃！

今次亦係車路士連續三年喺溫布萊球場舉行嘅足總盃屈居亞。除咗呢三場足總盃外，今年2月，車路士又係喺溫布萊，又係12碼，又係輸俾利物浦，失掉聯賽盃。而咁啱得咁橋嘅係，呢四場比賽曼治都有出場，今次佢仲射失12碼，間接令車路士輸波。
可能你話真係咁啱得咁橋啫，應該仲有其他車仔球員參與咗呢四次失利。但如果我話你知，除咗呢四次之外，曼治已經總共有6次喺溫布萊球場舉行嘅決賽中失利，咁你仲覺唔覺得係咁啱咁橋呢？

大家仲記唔記得2020嘅歐國盃決賽，英格蘭就係溫布萊球場，同樣以互射12碼，輸咗俾意大利，當時曼治喺正選上陣。再推前一啲，當時曼治外借緊俾打比郡，佢哋喺英冠升班附加賽決賽，以1-2輸咗俾阿士東維拉，地點又係溫布萊球場！


係唔係真係咁邪？溫布萊球場唔通真係有「曼治魔咒」？真係信不信由你啦！