霸氣答案！沙特娛樂部長爆料：C朗問我佢同美斯邊個先係最佳球員？

沙特皇室顧問兼娛樂部部長 Turki Al-Sheikh 日前透露，C朗問佢，佢同美斯邊個先係最佳球員？其後呢位部長俾咗個好有霸氣而又不失禮貌嘅答案。

Turki Al-Sheikh 上周日會見咗加盟艾納斯嘅C朗，並為佢親手戴上了艾納斯明星隊嘅隊長臂章。其後佢接受採訪透露：「我同美斯、C朗關係都好好，但C朗問咗我一個難為情嘅問題，他問我佢同美斯邊個先係最佳球員？」


「我話佢知既唔係你亦唔係美斯，對我嚟講係馬勒當拿。」

「呢個係事實，C朗對我而言係珍貴嘅，亦係最偉大嘅球員之一。但對我嚟講（最佳）係馬勒當拿，呢個係事實，我唔會逃避呢個問題。」

Turki Al-Sheikh 2017年被任命為沙特體育部部長，2018年被任命為娛樂部部長。