【雙紅會友賽】紅軍8千萬神鋒半空龍「炒飛機」送見面禮！

22歲嘅烏拉圭國腳紐尼斯（Darwin Nunez），今季由賓菲加轉會到利物浦，彌補文尼（Sadio Mané）嘅空缺。據報轉會費高達6,400萬英鎊，加上2,100萬英鎊嘅浮動條款，總共係8,500萬英鎊，打破隊友雲迪積克喺2018年時創下嘅7500萬英鎊球會紀錄。

昨日，紐尼斯迎來喺紅軍嘅處子戰，喺泰國同死對頭曼聯踢咗一場友賽（不過高普話唔係友賽！），不過呢位烏拉圭前鋒今場就紅軍球迷帶來驚喜，不過係驚多過喜，唔單止未能助球隊入波，仲有一球射到離晒譜。話說沙拿（Mohamed Salah）射中柱之後，個波彈到紐尼斯面前，佢面對已經失晒位嘅守門員湯希頓（Tom Heaton），同未剷到埋嚟嘅拜利（Éric Bailly），竟然係大腳 「炒飛機」：


呢球波，拜利有干擾有一定功勞，但作為見面禮紐尼斯射到咁離譜，相信一眾利迷應該唔會收貨，不過賽季仲未開始，我哋仲有時間慢慢觀察。