連尼加質疑杜曹棄用阿諾：完全唔合理肯定「有啲嘢」！

英格蘭傳奇射手連尼加（Gary Lineker）近日公開質疑國家隊主帥杜曹（Thomas Tuchel）的選人決定，認為杜曹棄用皇家馬德里右閘阿歷山大阿諾（Trent Alexander-Arnold）並非出於足球原因，而係存在「私人」問題。

杜曹自2024年10月接掌英格蘭帥印後，至今已帶領球隊出戰11場。在上周五於溫布萊球場1比1賽和烏拉圭的友誼賽中，杜曹徵召了一個35人的大軍名單，並嘗試了多個新陣容。名單中包括自2022年後首次入選的賓韋特（Ben White），以及時隔近六年後後備上陣的夏菲奧巴尼斯（Harvey Barnes）。然而，最令人矚目的缺席者，是僅在杜曹麾下出場過一次（去年六月對安道爾後備上陣26分鐘）的阿歷山大阿諾。
連尼加在其主持的播客節目《The Rest is Football》中直言不諱地表示：「你哋都知我好欣賞阿歷山大阿諾。我覺得呢件事好『私人』，因為純粹從足球角度睇，根本冇得拗。我睇唔到點解佢唔可以入選，因為就算只係做後備，佢都肯定可以提升球隊嘅勝算。」


他進一步推測：「所以我懷疑杜曹有啲嘢唔鍾意阿歷山大阿諾，至於係咩，我唯有估下，可能係態度問題，又或者杜曹覺得佢防守唔夠好。但一定係有啲嘢，因為呢個決定完全唔合理。你睇下同位置入選嘅球員，恕我直言，根本同佢唔同級數，尤其係腳下功夫。」

連尼加強調：「好似呢類比賽，你需要一啲有魔法嘅球員去打破僵局，而佢就可以提供到。我唔會單憑呢件事去批評杜曹，因為我哋唔知道之前集訓營發生過咩事，或者佢唔用阿歷山大阿諾嘅原因。但無論如何，我睇唔到點解其他球員可以排喺阿歷山大阿諾前面，我覺得咁樣對一位頂級閘位球員係好侮辱。呢個係我嘅睇法。」


自2025年5月底從利物浦爭議性地轉投皇家馬德里後，阿歷山大阿諾無論在杜曹的國家隊抑或球會陣中，都未能穩佔一席之地。現年27歲的他，似乎在右閘位置的排序上，落後於列斯占士（Reece James）、天奴利華拉文圖（Tino Livaramento）、查洛昆沙（Jarell Quansah）和賓韋特。

阿歷山大阿諾似乎亦意識到這一點，在國際賽期前協助皇馬擊敗同市宿敵馬體會後，他在社交媒體上發文「馬德里，僅此而已」，表達對球會的專注。

不過，連尼加顯然並非唯一希望阿歷山大阿諾重返三獅軍團的人。在對陣烏拉圭的比賽中，球迷對正選上陣的賓韋特報以全場噓聲，顯示了部分球迷對杜曹選人決定嘅不滿。