迪馬利亞挑波戲耍C朗，昔日隊友毫不留情犯規！

曾經喺皇家馬德里一齊合作過嘅C朗拿度（Cristiano Ronaldo）同迪馬利亞（Angel Di Maria），今日喺熱身賽中對壘，38歲嘅C朗以隊長身份帶領沙特球會艾納斯出戰35歲嘅迪馬利亞坐鎮嘅賓菲加。

兩位老將喺上半場嘅最後幾分鐘進行咗一次激烈嘅對抗，為比賽增添唔少火花。當時迪馬利亞喺中場精彩控落高空波，C朗從後積極搶截。呢位前皇馬隊友似乎已經預料到到C朗嘅動作，輕鬆地挑起個波避過C朗，但後者並無放棄，再次投入防守，迪馬利亞用身體擋住C朗，迫使C朗最後只能犯規阻止。



最後C朗拿度戰至84分鐘先被換出場，可惜佢今場未有入球或助攻，而迪馬利亞就射入一球精彩入波，最終艾納斯以1：4落敗。