迪基亞表現慘淡！93分鐘「避波」被追平？

曼聯近季表現不穩，陣中唯一被球迷讚賞嘅就只有守門員迪基亞（David de Gea），然而，呢位鋼門亦有弱點。迪基亞喺曼聯初期就經常被指不擅處理高空波，後來漸有改善，可惜喺昨日曼聯澳洲之行最後一站，同阿士東維拉交手，呢個舊毛病又出現返。

唔知係咪場地太爛影響，迪基亞全場嘅表現都好一般，直至去到下半場補時93分鐘，阿士東維拉一個角球攻勢，迪基亞就被指處理不當，甚至有球迷認為佢「避波」，大家睇下同唔同意呢位球迷觀點：



換另一個角度睇睇：

呢球迪基亞嘅出迎路線好明顯被對手阻住，有球迷就覺得一個專業守門員係應該搵另一條出迎路線。不過就算唔講以上呢一球，其實迪基亞全場表現都好差：


不過畢竟呢場只係一場熱身賽，加上場地的確好有問題，因此並不能反映球員嘅真實狀態。