贏到9-0仲想點？麥湯明尼一舉動盡顯魔性

曼聯對修咸頓一戰，曼聯好似踢到唔識停咁，入咗９球，但據英國《太陽報》報道，喺曼聯贏到9比0時，有一個球員仲想入埋啲，呢個就係麥湯明尼。

比賽去到第93分鐘，占士射入曼聯第9個入球後，麥湯文尼無即時慶祝，而係向隊友大叫，並手指指，要求快啲喺個網度執返個波，希望喺餘下時間可以入多一球，果然夠晒魔性！
https://www.youtube.com/watch?v=Gn8akPKkVN8

其實蘇斯克查喺贏到6比0時，都喺場邊大叫：「入多啲波，仲有10分鐘架。」有球迷讚佢果然係費格遜嘅徒弟，寧舍有魔性！

不過其實呢個舉動都唔難理解，畢竟英超競爭激烈，曼聯又係爭標行列，去到最後階段，淨勝球可能會成為關鍵嘅因素，平時就話純粹求勝，呢場打到對手潰敗，而自己又氣勢如虹，當然乘勝追擊，有幾多入幾多啦，因為呢啲機會可遇不可求。