費Sir談執教曼聯時最佳11人:只有一人肯定入選!

球場新聞 於 08/11/2021 發表 收藏文章
曼聯歷史悠久,出產嘅名將多不勝數,要喺當中挑選最佳十一人難度非常大,即使係費格遜本人都被呢個問題考起。

最近費Sir訪問,被問到自己執教曼聯時,各個位置的最佳人選,佢都話自己揀唔落手。佢咁講:「真係無乜可能挑選到。你睇下我哋擁有過嘅球員,前鋒有拜仁-麥佳亞、馬克-曉士、安迪-高爾、簡東拿、雲尼斯達萊、沙夏、蘇斯克查、約基、舒寧咸,再到朗尼、雲佩斯、靴南迪斯,點揀?我諗首選簡東拿,要揀埋另外一個?這真係無計!」

「中場會好啲,我哋有堅尼、笠臣同史高斯,佢哋都係大家夢寐以求嘅球員,還有碧咸、C.朗拿度同傑斯。」

「但係如果一定會揀一位球員入選嘅話。我會選擇丹尼斯艾雲,佢係絕對會入到呢個最佳陣容!」


丹尼斯艾雲呢位曼聯傳奇,可能新一代球迷未必識佢。艾雲係曼聯效力咗十幾個賽季,佢奧脫福球場嘅12年中,合共上陣咗296場英超賽事,效力期間曼聯協助球隊贏得七次英超冠軍、三次足總盃冠軍(1994年、1996年和1999年)、一次聯賽盃冠軍同歐洲盃賽冠軍盃。

加盟曼聯之初艾雲擔任右閘,之後又轉任左閘,又試過踢中堅,可以話後衛中嘅任何位置佢都能勝任,絕對係後場嘅通天老倌,而且咁多年間佢發揮異常穩定,仲有一手死球破門嘅功夫,更被費格遜稱作自己嘅最佳收購之一。艾雲喺約35歲時依然壓過當時很年輕嘅菲臘尼維利成為球隊嘅正選左閘,可說而知佢係幾得到費Sir信任,所以費費Sir必揀艾雲真係一啲都唔出奇。

如果喜歡我們的文章,請即分享到︰

標籤: 費格遜  丹尼斯艾雲  

留言


請按此登錄後留言。未成為會員? 立即註冊
    快捷鍵:←
    快捷鍵:→