訓練場再展神技!摩迪外腳背「又」入世界波

球場新聞 於 28/06/2021 發表 收藏文章
隨著葡萄牙出局,C朗拿度亦都告別了今屆嘅歐國盃,有實力嘅老將買少見少,今晚就輪到克羅地亞出場,而核心人物就非隊中老將兼隊長摩迪莫屬。

呢位35歲嘅中場老大哥,由於受傷病問題影響,喺應付漫長嘅聯賽有少少吃力,但回到國家隊,他就繼續表現出世界級中場嘅實力,於對蘇格蘭嘅賽事中,以一個世界波同助攻,協助球隊3:1擊敗對手取得次名出線資格。

講起呢球世界波,我哋真係不得不佩服摩迪嘅射術,尤其佢嘅外腳背技術,射波同傳波都叫人讚不絕口,可以話係當今球壇上呢項技術嘅佼佼者,而喺今晚對西班牙比賽嘅前夕,佢又喺訓練期間施展呢招神技,仲要又係死角入網。見到呢個影片,我諗西班牙都要搵人專門招呼摩迪至得啦!

loading


如果喜歡我們的文章,請即分享到︰

標籤: 摩迪  莫迪歷  

留言


請按此登錄後留言。未成為會員? 立即註冊
    快捷鍵:←
    快捷鍵:→