被問會否加盟法甲,C朗以一字回應!

球場新聞 於 11/08/2021 發表 收藏文章
美斯加盟PSG,頓時令法甲多咗好多人關注,與美斯一世宿敵嘅C.朗拿度自然都成為球會/球迷嘅下一個目標,希望佢都可以過埋嚟同美斯再一較高下。

C朗究竟點諗?你想知,我想知,連上帝都想知,咁就搵C朗個朋友探下路啦。於是上帝就搵咗效加過中超、現效力法甲里爾,C朗嘅國家隊隊友荷西方迪嚟問下,佢透露日前向C朗發過短訊,邀請對方加盟里爾,抗衡美斯,不過就得到C朗用一個字回應,荷西方迪話:「他只係答咗我一句:哈哈哈!

「哈哈哈!」即係點?其實有好多意思,可以係:

「哈哈哈!(我諗下先)」
「哈哈哈!(咪玩啦,我喺意甲獨霸一方唔好?)」
「哈哈哈!(仲鬥唔夠咪)」
「哈哈哈!(都好喎)」


無論係邊個意思都好,作為球迷嘅當然想再睇到兩大球王嘅火拼,但見到佢哋呢個年紀仍然活躍球壇其實都已經心滿意足。

C朗日前以「哈哈哈!」回應加盟法甲

另外,荷西方迪讚美斯之餘,不忘串下PSG:「好似美斯呢啲咁出色嘅球員加盟法甲,我感到難以置信。不過呢,我想搞清楚法甲嘅財政公平競技原則到底仲有冇?每一支球隊都開源節流,不能支付高薪,不過PSG就好似無王管一樣!
標籤: 荷西方迪  C朗  法甲  

留言


請按此登錄後留言。未成為會員? 立即註冊
    快捷鍵:←
    快捷鍵:→