蘇B眼濕濕受訪:我已經幫繼任人打好基礎!

球場新聞 於 22/11/2021 發表 收藏文章
千呼萬喚,蘇斯克查嘅帥位終於也保唔住,不過呢個似乎係一個有共識嘅「和平分手」,佢更喺下台前接受了官方網站嘅訪問,表示自己已經為繼任者打好咗基礎。

蘇斯克查表示:「你必須知道呢間球會對我嘅意義,我喺呢度攞到咩成就,對於球會、球迷、球員同所有員工,我想帶大家進入下一個階段,挑戰英超獎盃,我認為我做啱咗,個個都知我付出咗啲咩,我可以面帶微笑堂堂正正大門離開,但好遺憾我得到我想要嘅結果,所以依家係時候要離開啦。」

談到繼任人,蘇斯克查話:「我會支持下一任教練,希望他可以取得成功,我已經為曼聯實現目標奠定咗基礎,創造咗一個(良好嘅)足球環境,呢個亦係我擅長做嘅嘢。」

蘇斯克查仲回憶起歐聯16強淘汰巴黎嘅大戰,「我當然記得個場比賽,我有一張非常珍貴嘅相,就係我同費爵爺,仲有簡東拿一齊喺更衣室慶祝,非常美好嘅回憶。」

蘇斯克查執教曼聯以來,最為人詬病嘅就係臨場嘅戰術調動,往往讓人摸不著頭腦,而且他的用人非常古板,亦埋沒了一眾年青球員,往往只能靠球嘅嘅個人能力助球隊起死回生。蘇斯克查落台似乎符合了各人嘅「期望」,而下任主帥依然住重道遠,畢竟自從費Sir之後,執教曼聯就係一件吃力不討好嘅艱難工作。

標籤: 蘇B  蘇斯克查  

留言


請按此登錄後留言。未成為會員? 立即註冊
    快捷鍵:←
    快捷鍵:→