英格蘭U21歐國盃出局!3億豪陣倒在最後一秒,紅軍小將不甘被諷動粗!

球場新聞 於 01/04/2021 發表 收藏文章
今日除咗大國腳嘅世界盃外圍賽,其實仲有小國腳嘅U21歐國盃嘅賽事。而D組第3輪。英格蘭雖然以2-1擊敗克羅地亞,但以得失球差被淘汰出局,英格蘭隊陣中球星總身價為3.255億歐元,而克羅地亞總身價僅為5445萬歐元,結果英格蘭嘅一眾小獅都被冷嘲熱諷。

係前兩輪小組賽過後,葡萄牙6分提前出線,瑞士同克羅地亞都攞到3分,而英格蘭只有0分墊底。喺最後一輪中,葡萄牙3-0大勝瑞士,瑞士有3分,淨勝球為-3,因此英格蘭需要至少贏克羅地亞兩球,先可以喺3隊同分嘅情況下,憑得失球優勢出線。

其實戰至下半場補時階段前,英格蘭仲係以2—0領先,但最後竟然喺第91分鐘被對手一球重炮絕殺,可謂「臨天光瀨尿」。

https://www.youtube.com/watch?v=nFOOozfgXcs
喺球證吹響完場哨子聲之後,英格蘭回天乏術,而克羅地亞球員就圍埋一團又唱又跳,當中利物浦小將居迪斯鍾斯因為頂唔住對手嘅冷嘲熱諷,衝過去理論發生衝突,結果要英格蘭教練好唔容易先拉開咗佢,不過呢名利物浦中場都食咗佢今場嘅比賽嘅第二張黃牌,被驅逐出場。

https://www.youtube.com/watch?v=SmR0KYC86Z4

如果喜歡我們的文章,請即分享到︰

標籤: 居迪斯鍾斯  U21歐國盃  

留言


請按此登錄後留言。未成為會員? 立即註冊
    快捷鍵:←
    快捷鍵:→