【考古】98年世界盃法國討論如何阻止朗拿度，迪西里：「呼呼呼，個波就唔見咗！」

1998年嘅世界盃係好多人心目中其中一屆最經典嘅賽事，加上決賽巴西同朗拿度失準之迷，更為該屆賽賽增添幾分話題。

當時巴西嘅朗拿度係球壇最火紅嘅球星，而佢喺決賽前嘅表現亦無令球迷失望，助巴西以大熱姿態打入決賽，對住當道主，另一支大熱門，有施丹助陣嘅法國。

當時法國隊後防有杜林、白蘭斯，以及迪西里等名將，但對住有「外星人」之稱嘅朗拿度都覺得好頭痕，於是賽前就集中討論點樣阻止佢。佢哋討論到朗拿度最著名嘅插花，迪西里就話：「我喺米蘭對過佢。佢呼呼呼幾下插花，個波就唔見咗！好神奇！」其後，佢哋又討論點樣對付佢嘅轉身等等。由佢嘅認真程度，可見朗拿度嘅危險性有幾強！

最終嘅比賽結果我諗大家都好清楚，巴西最後爆大冷，以0-3輸波，朗拿度表現極度低迷，完全同之前判若兩人，其後有消息傳出大哨賽前身體不適，甚至嘔吐，不過呢個講話至今好似仍未得到證實，朗拿度本人亦從無解釋過佢當日發生過咩事，因此對好多巴西球迷嚟講，98年世界盃至今仍留下唔少不解之迷。