【考古】15年前李海強對住利物浦轟出45碼「衝力射球」！

2007年7月24日，賓尼迪斯帶領利物浦遠征香港，參與巴克萊亞洲錦標賽。當年嘅利物浦當然無依加呢隊咁強，但都有懷斯（Arne Riise）、沙比阿朗素（Xabi Alonso），以及高治（Peter Crouch ）等名將。

當中一場比賽，利物浦面對本港傳統勁旅南華，雖然實有上有明顯差距，但南華都踢出水準，最終惜敗1-3，而4球入波中，最矚目嘅一球係來自南華嘅隊長—「黃金左腳」李海強，佢喺45碼射出一球不輸任何世界級罰球王嘅波，呢球波猶如《足球小將》主角戴志偉嘅「衝力射球」，由空中急速下墮轟死角入網：

全場精華：

有球迷甚至話呢球係當年國際足協普斯卡斯獎（FIFA Ferenc Puskás Award），即國際足協年度最佳入球獎嘅滄海遺珠！

順便一提，當年利物浦輸然贏咗南華，但喺冠軍賽係不敵樸茨茅夫嘅。