【考古】神級大腦！摩迪波都唔使掂，就可以協助球隊由守轉攻！

皇家馬德里嘅中場指揮官摩迪（Luka Modrić）係世界級嘅中場節拍機，佢擁有神級嘅足球智慧，可以一人決定比賽嘅節奏。

摩迪喺熱刺成名，到皇馬修成正果，佢成名前效力於克羅地亞國內球會薩格勒布戴拿模，而佢嘅特殊頭腦同空間意識喺以下呢段精彩嘅比賽片段可以引證：


摩迪幾秒內兩次刻意嘅漏波，就輕鬆協助球隊由守轉攻。一個睇落去非常簡單嘅動作，但絕對係一個完美嘅動作，無強大嘅空間意識無可能做到。

2008年，以1650萬英鎊轉會到熱刺後，摩迪喺白鹿徑嘅四個賽季都表現出色，其後到咗2012年，熱刺以3000萬英鎊嘅價格，將呢位中場大師賣到皇家馬德里。

可笑嘅係，佢最初喺一項投票中被評為西甲最差嘅簽約，但呢個已經係一個遙遠嘅記憶，因為依家，36歲嘅摩迪已經喺五個歐聯冠軍，同三個西甲冠軍中發揮咗不可或缺嘅作用。

唔好唔記得摩迪喺2018俄羅斯世界盃上嘅驚艷表現，佢協助克羅地亞殺入決賽，個人仲贏埋該屆世界盃嘅金球獎。
雖然佢依家已經唔再年輕，但摩迪仍然相當健康，上個賽季佢就出戰咗45場比賽。而皇家馬德里亦準備好同佢簽一份新嘅合同。