【考古】皇馬美男子,除咗碧咸仲有佢!古迪的詭異後腳神助攻施丹單刀

球場新聞 於 13/03/2022 發表 收藏文章
如果叫你數皇馬嘅經典球員,你可能會講朗拿度、施丹、卡路士、碧咸、魯爾、C朗、費高、雲佬……甚至奧雲,你都未必會數到佢,如果唔係前面有咁多世界級球星,呢位派牌能力不下於碧咸、施丹嘅中場大師——古迪(Guti)絕對會成為皇馬數一數二嘅皇牌。

論球技,古迪就算未係歷史級,都算係當時嘅世界級。論外型,飄逸英俊嘅古迪亦迷倒不少女球迷。可惜,就是生不逢時,但古迪並無因為咁意志消沉,反而默默貢獻球隊,最終喺皇馬佔有一席之地,成為球隊嘅副隊長。
講起古迪,佢嘅傳球視野幾乎係360度,好似有後眼咁,成日可以傳到一啲美炒嘅後腳助攻。筆者最記得嘅就係當年2006年,皇馬西甲對陣西維爾,古迪後腳傳俾施丹射入嘅呢球:

loading


2000年至2010年十年間,皇馬嘅球星來來去去,粒粒都係天皇巨星,而古迪則呢十年間就多次被皇馬重用再棄用,棄用後又重用,最後喺2010年,隨住摩連奴上任,古迪決定離開,跟隨前皇馬主帥蘇斯達,加盟土超勁旅比錫達斯,不過喺一年之後,佢就以想多啲時間陪小朋友為由,宣佈退休。

雖然古迪喺皇馬屈屈不得志,但仍留下唔少令人印象難忘嘅精彩時刻,一齊嚟欣賞下:
loading

如果喜歡我們的文章,請即分享到︰

標籤: 古迪  

留言


請按此登錄後留言。未成為會員? 立即註冊
    快捷鍵:←
    快捷鍵:→