【考古】可能係朗拿度唯一一次被搶盡風頭的比賽！

25年前嘅8月31日，以天價加盟國際米蘭嘅「外星人」朗拿度（Ronaldo）迎來處子戰，但由於仲未適應國米節奏嘅關係，所以朗拿度同隊友無咩火花，而球隊亦一直以0：1落後。直至比賽嘅最後10分鐘，國米教練放手一搏，換入同樣係首戰嘅列高巴（Alvaro Recoba），點知呢位只有21歲嘅烏拉圭球員短短10分鐘內連入兩球一鳴驚人，幫國米反勝之餘，仲搶盡朗拿度嘅風頭！

列高巴呢位「黃金左腳」嘅兩個入球都可以話係世界波，包括一球30碼外左腳勁射以及一球30碼外嘅罰球。


雖然列高巴第一場比就咁勁，但佢喺國米無穩定嘅上陣機會，好快就被外借至護級嘅威尼斯。喺威尼斯，列高巴獲得唔少機會，19場比賽攻入左11球9次助攻，最終助威尼斯護級成功。
眼見列高巴練級成功，國米第二季即召回列高巴，並正式將佢列入球隊嘅正選陣容。效力國米11個球季，列高巴一共上陣260場賽事，攻入72球，期間為球隊贏得兩次意甲冠軍、1次歐洲足協盃冠軍、2次意大利杯冠軍以及2次意大利超級杯冠軍。