美斯2射1傳主宰比賽!讓出12碼 + 開心到與球僮一齊慶祝

球場新聞 於 23/04/2021 發表 收藏文章
西甲賽事,巴塞隆拿以5-2大勝基達菲之戰中,美斯又再一次成為魯營之王,主宰咗今夜場波,佢交出兩個入球一個助攻,而且仲主動讓出12碼俾基士文。賽後,Whoscored 俾咗美斯10分嘅滿分成績。

今夜,美斯一開波就就顯得好興奮,喺比賽嘅第4分鐘,美斯已經急不及待起腳,喺禁區頂左側射出一腳標志性嘅勁射,可惜呢球無咩運仔,個波先係擊中橫梁,然後又砸中球門線后彈返場內,最後被對手門將沒收。

4分鐘後,布斯基斯中路送出一個靚直線,美斯中路反越位前插,時間啱啱好,雖然美斯速度不及年輕時,但仍足夠佢直搗黃龍,最後為巴塞先開紀錄。

去到第33分鐘時,美斯梅開二度,呢球入波同樣非常精彩。美斯雖然係「左腳仔」,不過近年佢嘅右腳已經練到非常純熟,所以今次佢就喺禁區右側用右腳接應隊友凌空抽射,可惜上次中楣今次中柱,不過今次比上次有運,個波咁啱彈返落美斯面前,佢把握機會窄角度起左腳推射破網。

美斯入咗呢球仲興奮到走到龍門後面同一位球僮一齊慶祝,而嗰位球僮就話:「我和美斯近距離接觸過好多次,但我不敢相信佢今次竟然會攬住我,我一定會成世都珍藏住呢這張合照,我真係開心到不得了!」

loading

喺比賽第87分鐘,美斯喺右側開出角球,落點堪稱完美,阿拿奧祖門前高高躍起就可以輕鬆頭槌破門。賽後佢透露,佢同美斯早就練習過這招角球配合,今次果然成功了。

去到補時階段,巴塞獲後一個12碼,不過隊長美斯主動讓咗呢球俾隊友基斯文,放棄自己大演帽子戲法的機會,後者入波後從後立即擁抱美斯表示謝意,賽後網民紛紛留言讚美斯無私,兼且盡顯隊長風範。

不過呢張相真係...基味甚濃:

全場精華連結:
https://www.youtube.com/watch?v=DFiQbvhR3Tc

值得一提嘅係,美斯出場29次當中27次正選,數據係25入球9助攻,喺足球歷史上,只有美斯和C朗喺12個賽季中聯賽進球係25+。

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→