【紅軍獵物】巴塞17歲天才加維上一場創「狂牛」紀錄,今場自己禁區頭頂腳踢瀟灑過人!

球場新聞 於 10/06/2022 發表 收藏文章
歐洲國家聯賽,「狂牛」西班牙兩連和之後,昨日終於打開勝利之門,憑住沙拉比亞嘅入波,作客以1-0作客擊敗瑞士!

中場新星加維(Pablo Gavi)上一場以17歲零304日之齡,改寫隊友安素法迪(Ansu Fati)保持嘅國家隊史上最年輕入球紀錄,今場繼續有好表現。

加維唔止個名似沙維,踢法都似,以下呢幾下仲有西班牙另一名宿恩尼斯達嘅影子。當時加維喺自己禁區搶返球權,佢大可以直接解圍,但係佢藝高人膽大,喺人叢中頭頂腳踢突圍而出,最終對手用超技術先可以攔截到佢推進:

loading

loading
loading


加維本身係貝迪斯嘅青年軍,11歲先加入巴塞隆拿。巴塞知道此子絕非池中物,所以已經同佢傾緊一份5年嘅合同,呢份約仲包括一條高達10億歐元嘅釋放條款,可想而知巴塞對佢嘅評價有幾高!

雖然巴塞開出天價表示無意放人,但依然傳出英超嘅利物浦對加維甚有意思,據說佢哋正留意呢位西班牙天才同巴塞嘅意向。

如果喜歡我們的文章,請即分享到︰

標籤: 加維  

留言


請按此登錄後留言。未成為會員? 立即註冊
    快捷鍵:←
    快捷鍵:→