球證跪地認錯？丹麥聯賽球證吹錯雞，事後抱頭跪地兼嗑頭

一場足球比賽，兩隊嘅實力固然影響賽果，然而球證嘅角色亦都非常重要，往往一兩個重要判決足以改寫整場比賽。不過球證都係人，係人就一定會犯錯，可惜球證犯錯好少會認，球員可能會投訴，知道判錯嘅球證最多會吹返「回頭雞」俾剛才受錯判影響嘅一方，而好似以下呢個球證咁樣「知錯」嘅，真係聞所未聞。

話說丹麥甲組一場賽事，防守方在對方進攻疑似有少許犯規動作，但球證遲疑咗足足兩秒先吹雞，不過呢個時候個波仲係進攻方腳下，而且有唔錯嘅射門機會，主球證理應俾得益進攻方，事後球證可能都覺得自己吹錯雞，竟然抱頭跪地兼嗑頭，不過吹咗嘅雞係收唔返嘅，進攻方最後都只好無奈接受。