球證跪地認錯?丹麥聯賽球證吹錯雞,事後抱頭跪地兼嗑頭

球場新聞 於 24/08/2021 發表 收藏文章
一場足球比賽,兩隊嘅實力固然影響賽果,然而球證嘅角色亦都非常重要,往往一兩個重要判決足以改寫整場比賽。不過球證都係人,係人就一定會犯錯,可惜球證犯錯好少會認,球員可能會投訴,知道判錯嘅球證最多會吹返「回頭雞」俾剛才受錯判影響嘅一方,而好似以下呢個球證咁樣「知錯」嘅,真係聞所未聞。

話說丹麥甲組一場賽事,防守方在對方進攻疑似有少許犯規動作,但球證遲疑咗足足兩秒先吹雞,不過呢個時候個波仲係進攻方腳下,而且有唔錯嘅射門機會,主球證理應俾得益進攻方,事後球證可能都覺得自己吹錯雞,竟然抱頭跪地兼嗑頭,不過吹咗嘅雞係收唔返嘅,進攻方最後都只好無奈接受。

loading



如果喜歡我們的文章,請即分享到︰

標籤: 丹麥  

留言


請按此登錄後留言。未成為會員? 立即註冊
    快捷鍵:←
    快捷鍵:→