無說明書唔識用?一片睇清雲迪碧克如何被曼聯糟蹋

球場新聞 於 15/02/2022 發表 收藏文章
喺英超愛華頓3-0戰勝列斯聯嘅賽事,曼聯棄將雲迪碧克(Donny van de Beek)正選出場,表現出色,仲當選最佳球員。賽後,愛華頓教練林柏特(Frank Lampard)仲大讚佢有好高嘅天賦,而且喺場上頭腦非常冷靜,係球隊串聯攻守嘅節拍器。

其實當初雲迪碧克加盟曼聯時,都被外界寄予好高嘅期望,可惜佢屢屢不受重用,就算落到場都好似被忽略咁,就算跑到個靚位都唔會有波到,完全無戰術地位。究竟係曼聯唔識用佢?定係佢唔啱踢曼聯呢?

最近有球迷剪輯咗一條影片,標題係「雲迪碧克總是被隊友忽略」(Van de Beek is always being IGNORED by his teammates)。講得咁白你可能會唔高興,但睇完條片,真係無得反駁:


據報告顯示,曼聯教練組認為雲迪碧克「太弱」(應該係指身體),不能經常喺英超正選。但係雲迪碧克喺曼聯根本談不上「經常」正選,連正常輪換嘅機會都唔多,之前仲有條影片係佢喺賽前只負責陪練咋陰公!(詳文:暴殄天物!雲迪碧克淪為陪練喂波?

希望呢位後生仔去到愛華頓可以一展所長,大巴大巴車落睇少佢嘅人塊面度。

如果喜歡我們的文章,請即分享到︰

標籤: 雲迪碧克  

留言


請按此登錄後留言。未成為會員? 立即註冊
    快捷鍵:←
    快捷鍵:→