無心戀戰?告別賽?網民用一條影片串爆普巴雙紅會表現

球場新聞 於 21/04/2022 發表 收藏文章
曼聯人腳係咩好錯?曼聯教練又係唔係好渣?

以上嘅問題筆者都唔認同,但點解佢哋就係踢唔出應有嘅水平?好簡單兩個字講曬:士氣!曼聯嘅球會個個上場都好似有心事咁,一盤散沙,就算再好嘅戰術,執行嘅球員唔主動,都係死!普巴(Paul Pogba)就係一個最好嘅例子。

普巴,世界一等一嘅中場,日前對陣利物浦嘅雙紅會,只係踢咗十分鐘,就表示受傷,主動申請出場。呢個畫面被曼聯球迷嗤之以鼻,仲紛紛喺社交網站串佢:

loading


loading

事實上,普巴無心戀戰已經唔係第一日嘅事,而根據法國《巴黎人報》嘅消息,普巴呢場之後將唔會再為曼聯出戰,換句話說,昨日嘅雙紅會就係佢喺曼聯嘅告別戰。

loading


其實,普巴同曼聯嘅合約今個夏天就到期,雙方都無續約嘅消息,所以一直都傳佢會今夏離隊。普巴喺曼聯嘅表現一向都係以心情行先,心情好,踢好啲,心情差就求求其其,呢種狀態已經引起好多曼聯嘅球迷嘅不滿,日前普巴仲被主場球迷狂噓,所以普巴離隊,筆者一向覺得對雙方都係好事。

普巴為曼聯踢咗233場比賽,攻入39球,助攻51次。

如果喜歡我們的文章,請即分享到︰

標籤: 普巴  雙紅會  

留言


請按此登錄後留言。未成為會員? 立即註冊
    快捷鍵:←
    快捷鍵:→