無妄之災!美職聯球證被球員撞至頭破血流

球場新聞 於 30/07/2021 發表 收藏文章
球證嘅工作就係用「金睛火眼」睇實場上發生嘅事,確保睇到每一下犯規動作!然而球證雖然話係球場上嘅「死物」,但畢竟佢哋都係要跑動,有時難免同球員跑位,或者傳波路線一樣做成蝦碌場面,然而最近美職聯就因為球證嘅跑位而發生一件罕見意外,導致球證同球員一同受傷倒地。

話說周日 ( 25 日 ) 進行嘅一場美職聯比賽,由聖荷西地震主場迎戰侯斯頓戴拿模,戰至第6分鐘時,侯斯頓戴拿模攞到波喺自己後場組織攻勢,個波由右路傳至中路,然而聖荷西地震巴西球員 Nathan 想衝前準備攔截時,卻意外與中相同跑位嘅球證 Ted Unkel 撞埋一齊,雙方隨即應聲倒地,球證 Unkel 更係被撞至頭破血流,要喺邊接受治療,並由後備球證替補佢嘅位置。


美職聯球證被球員撞至頭破血流:https://www.youtube.com/watch?v=_8eQd9xpQoY

如果喜歡我們的文章,請即分享到︰

標籤: 美職聯  

留言


請按此登錄後留言。未成為會員? 立即註冊
    快捷鍵:←
    快捷鍵:→