比寧咸疑對碧福特失球不滿：「個波喺龍門中間！」

英格蘭在世界盃4強以1:2慘遭阿根廷逆轉，無緣決賽。雖然安東尼哥頓（Anthony Gordon）下半場初段為三獅軍團取得領先，但杜曹（Thomas Tuchel）隨後退守五後衛的戰術徹底失敗，阿根廷憑安素·費南迪斯（Enzo Fernandez）和拿達路·馬天尼斯（Lautaro Martinez）在末段連入兩球，粉碎英格蘭的冠軍夢。


賽後，祖迪·比寧咸（Jude Bellingham）被拍到在場內觀看重播時，對門將佐敦·碧福特（Jordan Pickford）處理費南迪斯的遠射非常不滿。影片顯示他憤怒地說：「個波喺龍門中間！」（It's in the middle of the goal）



加利尼維利（Gary Neville）亦加入批評行列，在《Stick to Football Watch Party》中表示：「呢球唔係死角，佢應該救到。一定要救到。佢已經唔掂喇。」他更指出碧福特在比賽較早階段亦未能接實一記射門：「唔好畀佢喺嗰個位射門。一定要接實。直接射向佢，老實講，仲要越過佢頭頂。」
不過，堅尼（Roy Keane）則為碧福特辯護，反而讚揚費南迪斯的射門：「呢腳射門真係勁，龍門完全掂唔到，睇下個龍門，佢完全掂唔到。全靠力度。」

碧福特在失球前其實表現不錯，曾救出麥亞里士打（Alexis Mac Allister）的近距離頭槌，但他未能阻止球隊的崩潰。杜曹在領先後改打五後衛，令球隊被阿根廷猛烈攻勢壓制，最終付出代價。據Opta數據顯示，英格蘭在領先1:0後的30分鐘內僅有12%控球率，是過去60年世界盃比賽中領先一方的最低紀錄。


儘管戰術失誤備受批評，英格蘭足總仍公開支持杜曹，希望他繼續執教至少到2028年歐國盃。