有其父必有其子!「星二代」守門員開龍門球直接絕殺對手

球場新聞 於 23/11/2021 發表 收藏文章
日前西班牙嘅一場青年隊比賽中,上演咗一幕令人難以想象嘅奇跡,Torrent 青年軍絕殺了 Alzira 青年軍。絕殺經常出現,點解呢個咁特別呢?因為呢球係由守門員開龍門球直接絕殺對手!

完場前,守門員 Alejandro Palop 救出咗對方嘅罰球射門,佢緊緊抱住咗個波,之後無絲毫停頓,立即跑到己方禁區右側,然後來了個大腳長「傳」。

無錯,呢球就咁睇,應該係一個傳波,不過唔知好彩定唔好彩,無隊友接應到,但就咁啱遇著剛剛,對方守門員企位似乎出現咗問題,個波竟然彈地後,完美地笠過門將頭頂彈入網。喺個波入網嘅一剎那,Torrent 後備球員集體飛奔入場,瘋狂慶祝呢個不可思議嘅入波!

loading


而更有趣嘅係,呢位入球功臣嘅爸爸係西班牙前國腳,同樣司職守門員嘅 Andrés Palop,佢喺06/07賽季聯盟盃中,曾經有一個經典入波,至今仍令人津津樂道,呢球亦係佢職業生涯最高光嘅場面之一。

2007年3月15日, Andrés Palop 喺歐洲足協盃西維爾對薩克達嘅賽事中,於補時階段頂入一球令比數追和,雙方要打加時賽,最終助西維爾晉級。於該屆決賽中,西維爾對同樣來自西甲嘅愛斯賓奴,雙方打和進入互射十二碼階段,Andrés Palop 撲出咗3球,助西維爾奪冠。

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→