曼聯唔識踢角球?球迷出「曼聯本季131失敗角球合輯」成熱議!

球場新聞 於 27/01/2022 發表 收藏文章
好奇怪,真係好奇怪,曼聯擁有般奴呢啲罰球專家,又有C朗拿度呢啲頂級頭球高手,但曼聯今季竟然無入過一球角球?(有錯請指正),係英超今季唯一一隊未入過角球嘅球隊!

有曼聯球迷就睇唔過眼,昨日出咗一輯「曼聯本季131失敗角球合輯」成為熱議,至今已經有接近23萬觀看。
loading

以下係一啲球迷嘅留言,唔知有無唔多唔少反映咗你嘅心聲呢:

「隔離曼城幾乎每場比賽都可以射入好多。」

「角球真係處理得好差......經常搵唔到人交,太令人沮喪!」

「其實唔止今季。大約8-10年都已經係咁。」

其實曼聯唔係唔知自己嘅問題,佢哋舊年夏天已經任命咗一位專業嘅角球教練 Eric Ramsay。

就連看守領隊蘭歷克都覺得好奇怪:「講真,真係好啲奇怪,因為我哋嘅球員喺技術上應該能夠以正確嘅方式處理(角球)。呢個係有關訓練嘅問題,同時亦都係一個傳送技術嘅問題。」

留言


請按此登錄後留言。未成為會員? 立即註冊
    快捷鍵:←
    快捷鍵:→