曼聯三大名宿踢爆C朗當年離隊「真正原因」

最近曼聯三大名宿：朴智星（Park Ji-sung）、艾夫拿（Patrice Evra）同泰維斯（Carlos Tevez）——重逢聚頭，接受韓國節目訪問。原本係溫馨回顧舊日隊友故事，點知突然播出一段舊訓練場片段，結果三人即刻笑到眼淚都嚟，仲一口咬定呢個就係C朗拿度當年（2009年）離開曼聯轉投皇家馬德里嘅「真正原因」！

本身三位老友坐埋一齊，氣氛超融洽。突然主持諳讓他們觀看一段舊訓練場片段：年輕嘅C朗喺場上，點知撞到「特別一刻」，朗拿度即刻嚇到面青唇白，表情似見鬼咁，雙眼瞪大、身體僵硬，仲望自己的「弟弚弟」！無錯，就是好多球迷已經睇過嘅呢條影片：


其後三人齊齊認定，呢個訓練場意外「驚魂」事件，就係C朗決定打包走人嘅元兇！最後主持人問泰維斯知唔知片中另一主角是誰，真相揭曉後，泰維斯邊笑邊指住朴智星話係罪魁禍首！
回想當年曼聯黃金時代，C朗喺費格遜麾下，同朴智星、艾夫拿同泰維斯並肩作戰，贏過英超、歐冠、足總盃等多個冠軍。朴智星係亞洲傳奇「跑不死」鐵人，無論大賽小賽都全力奔跑；艾夫拿係左邊鐵閘兼更衣室領袖，講笑講到飛起；泰維斯就係阿根廷鬥牛犬，前鋒線上永遠唔放棄；而C朗就由青澀少年蛻變成世界頂級球星。