智利內訌竟由孫興慜做「和事佬」?靚絕死角罰球賀自己一大成就!

球場新聞 於 08/06/2022 發表 收藏文章
上一場以1比5慘敗巴西後,南韓又與同是南美嘅智利友賽,結果以2-0擊敗對手。

今場波,南韓隊長,熱刺嘅球星孫興慜成為焦點。上半場,智利隊就發生內訌,保羅戴亞斯(Paulo Diaz)同古斯治(Benjamin Kuscevic)喺中場位置發生口角,雙方一度埋牙,喺不遠處嘅孫興慜剛好經過,然後推開兩人以免有進一步嘅衝突,如果唔係著住南韓球衣,仲以為佢係智利隊長。

loading

今場比賽,南韓由黃喜燦精彩嘅射門先開紀錄。之後去到下半場補時階段,南韓喺禁區頂有利位置獲得一個罰球,孫興慜主射,皮球真飛龍門左上角入網,非常精彩!


loading

今場波係孫興慜第100次國家隊上陣,佢用一個咁靚嘅入波嚟賀自己呢一大成就!


對於呢一個成就,孫興慜就話:「從無諗過會達到呢個成就,時間過得好快,不知不覺就百場啦,國家隊成為我生活嘅一部份,我一直努力工作,踢好每一場比賽。」

孫興慜一向俾人謙謙君子嘅感覺,但其實佢都有發脾氣嘅時候。話說2020年6月,佢就同隊友洛里斯(Hugo Lloris)發生衝突,要其他隊友嚟做「和事佬」。

loading


不過佢哋兩個喺下半場開波前就好快和好咗。

loading

如果喜歡我們的文章,請即分享到︰

標籤: 孫興慜  

留言


請按此登錄後留言。未成為會員? 立即註冊
    快捷鍵:←
    快捷鍵:→