時速39km?麥巴比12秒狂奔100米,跑贏場上19人破網!

球場新聞 於 08/02/2021 發表 收藏文章
法甲第24輪打了一場大戰,PSG作客挑戰馬賽,但馬賽喺開場僅9分鐘,就被「閃電俠」麥巴比一球超誇張嘅入球打開缺口。

呢球點解筆者用超恐張嚟形容?因為呢球麥巴比係喺自己龍門口,再狂奔一整個球場(100-110米)射入嘅。由對方罰球被瓦解開始,麥巴比目測係距離對方龍門最遠嘅球員,然後佢開始起步,一路跑,一路將隊友同對手甩到身後,再喺對方三閘線攞波,再推過對方一名後衛,然後喺小禁區附近射入,時間大約用咗12秒。即是話,麥巴比用咗12秒就狂奔咗100米左右,然後跑贏場上19個人射入,夠誇張呱!

更有統計話,麥巴比呢球最快嘅時速高達39km。39km係咩概念?做一個對比,巴爾當年最高峰嘅時速係大約35km。

如果喜歡我們的文章,請即分享到︰

標籤: 麥巴比  

留言


請按此登錄後留言。未成為會員? 立即註冊
    快捷鍵:←
    快捷鍵:→