「新小白」柏迪?巴塞19歲天才兩次過人舉重若輕,後腳「通渠」技驚四座!

球場新聞 於 28/02/2022 發表 收藏文章
大數據年代,足球技術變得可以輕鬆量化,但有時數據會呃人,好似西甲巴塞主場4:0大勝畢爾包呢場,如果只睇數據嘅話,陣中19歲天才柏迪表現麻麻,因為佢此役0射門只有1次妙傳,睇落去好似可有可無。但睇過比賽嘅人先明白,柏迪由始至終都牢牢掌控著巴塞中場。

其實柏迪16歲已經喺西乙成名,當時已經被外界叫做「新恩尼斯達」,呢個並無吹噓,佢今場波喺中場嘅優雅指揮的確有小白嘅影子,就連當年同小白拍擋嘅主帥沙維都話柏迪令佢諗起恩尼斯達。講,你可能唔信,不如我哋睇睇片:

比賽約80分鐘,柏迪喺自己後場攞波,當時對方球員已經壓埋嚟,但柏迪好淡定,背住對方鬆容不逼一個後腳就通咗對方坑渠,然後轟身成功突圍而出。

loading


再去到第89分鐘,柏迪喺自己中場左側搶到波,但隨即遇到對方雙人攔截,佢好冷靜咁先轉身過咗一個,然後再右腳一扣左腳輕推向前,又輕松突破埋第二個對手,成功將個波傳咗俾自己隊友。

loading


賽後沙維大讚呢位愛徒:「無咩人嘅天賦可以比得上柏迪,佢幾乎唔會失去球權,佢踢得輕鬆自如。柏迪嘅位置係防中身前,不過佢亦可以喺各條線之間自由游走,佢令我諗起恩尼斯達,無論點踢都顯得輕盈和寫意。佢哋呢種天賦,真係好少見!」

如果喜歡我們的文章,請即分享到︰

標籤: 柏迪  小白  恩尼斯達  

留言


請按此登錄後留言。未成為會員? 立即註冊
    快捷鍵:←
    快捷鍵:→