教練好重要!沙特教練半場暴怒:美斯攞波你就咁企喺度?你不如攞相機同佢自拍!

球場新聞 於 26/11/2022 發表 收藏文章
沙特阿拉伯喺今屆世界盃吹響亞洲球隊進擊的號角,熱血以2-1反勝由美斯帶隊嘅阿根廷,今眼鏡碎遍佈世界各地,其後仲網傳沙特獎勵球員每人一架$300萬勞斯萊斯,以表示沙特嘅逆轉有幾咁神奇同熱血。其實熱血背後,沙特阿拉伯有個好嘅教練亦係其中一個主因。

今日網上流傳一條沙持教練列拿特(Roger Renard)半場時,喺更衣室激勵球員嘅影片。片中所見,列拿特對沙特上半場鬆散嘅態度表示震怒,其中仲爆中一句:「美斯攞波,你哋就咁企喺度防守?咁你不如攞相機同佢自拍啦!
「你哋上半場踢到好似友誼賽咁!」



就係咁,沙特喺下半場脫胎換骨,打到本來以為可以輕鬆過關嘅阿根廷一個措手不及,結果就係我哋睇到嘅反勝。賽後,甚至有人讚賞列拿特嘅戰術比曼城名帥哥迪奧拿更勁:
loading


列拿特係是一名法國足球教練,出生於法國艾克斯萊班。佢球會時喺低級組別聯賽效力,其後執教過自己當時效力嘅球隊。2008年5月,佢首次執教國家隊贊比亞,並帶隊闖入2010年非洲國家盃半準決賽,2010年4月辭職。2011年底再度擔任贊比亞國家隊領隊,並參加2012年初的非洲國家盃,決賽中贊比亞隊以互射十二碼戰勝科特迪瓦隊,贏得了其歷史上首個非洲盃。

2014年7月,佢擔任科特迪瓦國家隊領隊。在2015年非洲國家盃決賽中,科特迪瓦隊以互射十二碼擊敗加納隊,奪得冠軍,成為首位帶領唔同球隊兩奪非洲國家盃冠軍嘅教練
標籤: Roger Renard  

留言


請按此登錄後留言。未成為會員? 立即註冊
    快捷鍵:←
    快捷鍵:→