救人一命！球迷心臟病發，西甲卡迪斯門將一舉動獲網民大讚！

西甲巴塞隆拿作客以4:0擊敗卡迪斯，該場賽事尾段發生了一段小插曲。第82分鐘，看台上有球迷疑似心臟病發，需要緊急接受治療，於是球證立即暫停比賽。

當一眾球員都嚇到無反應嘅時候，卡迪斯門將列迪斯馬（Conan Ledesma）立即9秒9飛奔去拿心臟除顫器，並拋上觀眾席救人，佢此舉獲大批 Twitter 網大讚：



由於發生緊急事件，比賽唯有暫停。暫停期間，巴塞後衛朗奴阿拿奧荷（Ronald Araujo）為球迷祈禱，亦有球員擔心球迷情況而流淚，暫停咗15分鐘後，球證要求雙方球員先返回更衣室。最終球迷被擔架床抬走送院，據報該球迷成功獲救。


重新比賽後，巴塞再入兩球，最終作客以4:0大勝卡迪斯。

有網民慨嘆呢啲球場心臟病意外，呢兩年嚟多咗好多，依加好多國家包括英國，都多咗好多地方放置心臟除顫器，更有指澳洲某地區甚至每戶都派發一個心臟除顫器。至於點解會多咗咁多心臟病個案，留待大家自己去發掘同思考。