「收嗲啦!X你!」拉舒福特爆粗鬧爆隊長麥佳亞

球場新聞 於 04/03/2021 發表 收藏文章
昨晚曼聯對水晶宮場波悶咗成場,唯一嘅亮點竟然唔係咩射門咩過人,而係兩個曼聯球員互鬧嘅場面!

慘不忍睹嘅進攻表現令到曼聯越踢越急躁,有啲甚至情緒失控。下半場比賽,喺一次進攻中,拉舒福特被吹越位。之後,身為隊長嘅麥佳亞就首先發火,批評拉舒福特「我希望你咪X越位呀!」,而年少氣盛嘅拉舒福特邊有咁好死聽隊長講,於是邊行邊反擊:「收嗲啦!X你!」好在兩人只係口角,無繼而動武。


其實最近3場比賽(2場聯賽+1場歐霸),曼聯嘅比分都是0-0。據統計,曼聯喺場上已將接近5個小時(285分鐘)無入波!。而更無奈嘅係,拉舒福特同麥佳亞兩個今季已經唔係第1次喺場上嗌交,舊年10月曼聯1比6輸俾熱刺嗰場,佢哋兩個已經因為VAR問題噪過一次。睇來蘇斯克查除咗要解決曼聯嘅進攻問題之外,同時要調和球員嘅心理同更衣室問題。

如果喜歡我們的文章,請即分享到︰

標籤: 拉舒福特  麥佳亞  

留言


請按此登錄後留言。未成為會員? 立即註冊
    快捷鍵:←
    快捷鍵:→