打機都唔會咁！紅軍女中堅半場完成左右腳 + 頭鎚完美「烏龍」帽子戲法

話說美國同新西蘭嘅一場「她相信盃」（SheBelieves Cup）比賽，新西蘭中堅 Meikayla Moore 唔夠半場，就分別用左腳，右腳，同頭鎚，射入三球，完成「完美帽子戲法」，不過佢射入嘅唔係對方龍門，而係自己龍門，無錯，佢一個上半場就擺咗三次烏龍，認真令人難以置信！


Meikayla Moore 效力於利物浦女子足球隊，2020簽約至今，為球隊出戰過15場比賽。雖然 Meikayla Moore 「烏龍」帽子戲法嘅影片在社交網絡成為熱話，佢利物浦嘅隊友同球迷都十分支持佢，認為佢係一個經得起考驗嘅中堅，佢一定可以由呢次低潮中反彈。