我太快定你太慢?麥巴比3秒大外檔扒曉姆斯頭

球場新聞 於 16/06/2021 發表 收藏文章
歐國盃分組賽首輪最矚目嘅賽事,莫過於德國對法國,但賽果出人意表地由曉姆斯一個烏龍波令法國小勝1-0。

身經百戰嘅德國後防大將曉姆斯今場波面對「球王接班人」麥巴比,顯得非常狼狽,佢擺烏龍嘅一球,就係因為忌憚身後嘅麥巴比而急急想出腳解圍,結果卻不慎將個波捅入咗自己龍。

由於德國隊控球時間比法國多十幾個百分點,因此麥巴比嘅鏡頭都唔係太多,但個個鏡到都係非常精彩。要知道麥巴一旦快跑起上來,就可以輕鬆撕開整條德國隊嘅防線。

好似下半場中段一次法國隊反擊,麥巴比一加速,就輕鬆從曉姆斯身後扒頭,結果曉姆斯要連人帶波一齊鏟跌麥巴比先可以阻止到佢,其實呢球德國無輸12碼係有啲運。


德國隊前隊長波歷克就認為麥巴比係對德國威脅最大嘅人,他賽後稱贊麥巴比:「下半場法國隊打出很多高質量嘅反擊,不過我哋運氣唔錯,本來可能會輸兩三球,而麥巴比嘅表現非常出色。」

德國後衛雖然高大,但速度慢嘅缺點,面對以速度見稱嘅麥巴比,被無限放大了。不過呢個世界又有幾多後衛可以跟得上麥巴比嘅驚人速度呢?

官方精華影片(麥巴比3秒扒頭 3:35)
NowTV 賽事精華

如果喜歡我們的文章,請即分享到︰

標籤: 麥巴比  曉姆斯  

留言


請按此登錄後留言。未成為會員? 立即註冊
    快捷鍵:←
    快捷鍵:→