恥笑C朗連番後腳fail？你一定唔記得巔峰C朗嘅呢球後腳過人

曼聯球星C.朗拿度（Cristiano Ronaldo）當然有好多球迷，但同樣亦有好多 Haters，好似最近有球迷就放出一條曼聯訓練嘅影片，片中C.朗與隊友費特（Fred） 以及新加盟嘅卡斯米路（Casemiro）三人互傳，當中C.朗連續兩次後腳都踢唔到個波。條片只係放咗短短一日唔夠，就吸引咗三百萬次瀏覽，而且引來唔少haters恥笑嘅留言：


雖然筆者同意C.朗巔峰已過，但用一條訓練嘅短片去恥笑呢個統治球壇十年有多嘅球王級球員，筆者認為太過了，唔知大家仲記唔記得以下呢球？巔峰時期嘅C.朗帶俾我哋無數經典時刻，儘管佢扭計轉會的確令唔少球迷傷心，但亦希望大家可以口下留情。