巴塞苦追5個月最後功虧一簣?文古沙 + 烏迪迪成輸波罪人

球場新聞 於 30/04/2021 發表 收藏文章
喺關鍵時刻出問題嘅能力上,巴塞隆拿從不令人失望!昨晚嘅西甲賽事,只要佢哋可以擊敗格蘭納達,就可以登上榜首,並且鞏固第一嘅位置,可惜,後防嘅兩次致命失誤,令到巴塞喺主場以1比2輸俾對手,錯失黃金機會。

巴塞嘅第一球失球,文古沙真係「居功至偉」。當時對方送出直線,文古沙原本已經卡住咗傳球線路,但係佢竟然停唔到個波,個波直接彈到去達雲馬捷斯面前,後者輕鬆反越位破門。呢次失誤之後,文古沙就被換出。 (精華 1:04

到咗巴塞嘅第二個失波,今次輪到另一個中堅烏迪迪出事!格蘭納達喺左路傳中,碧基喺第一點解圍唔到,但後邊另一個中堅烏迪迪竟然全程睇住對方輕鬆頂入,佢自己知唔知自己踢邊一邊?(精華 1:32

What are you doing here?? 準備迎接頭鎚攻門嗎?

精華:
Highlights FC Barcelona vs Granada CF (1-2)

舊年12月初,巴塞同馬體會嘅最大分差曾經達到12分(巴塞14分,馬體會26分),巴塞一度排名第7位,之後巴塞開始慢慢力追,喺22場賽事中,巴塞獲得18勝3和1負嘅優秀戰績,當中只係輸咗俾死敵皇馬,攞到60分,得分率高達90%。

本來今場贏波嘅話,巴塞仲可以掌握住自己嘅命運,可惜依家即使全勝都唔一定可以奪冠,因為喺同分嘅情況下,巴塞排名低於皇馬。

就睇下個天今季嘅西甲劇本會唔會再有出人意表嘅「意外」啦!

如果喜歡我們的文章,請即分享到︰

留言


請按此登錄後留言。未成為會員? 立即註冊
    快捷鍵:←
    快捷鍵:→