巴塞新10號法迪3秒「神」控,朗奴高文場邊暴怒!

球場新聞 於 22/10/2021 發表 收藏文章
自從美斯離隊之後,10號球衣就交咗俾西班牙18歲小將法迪,而且巴塞仲同佢續約到2027年,似乎係要重點栽培。不過呢位小將雖然被巴塞睇重,而佢個人亦都好努力,但面對大場面,仍欠缺少少火候,仲睇到主帥朗奴高文火冒三丈!

上輪西甲,法迪傷愈復出射入世界波助球隊勝出,出於保護性質,巴塞喺歐聯先收起佢,其後後備入替。可能係過於心急想表現自己,法迪喺前場非常積極,喺第53分鐘,仲逼到對方守門員失誤,後者急忙想將個波踢出底線,但被巴塞嘅迪比救返,傳到法迪腳下,可惜法迪竟然背住守門員,連續挑波,結果一頓「神」控之後,背住龍門射咗個波出界。


見到呢球,朗奴高文真係火到嚟,佢之所以咁嬲,相信除咗法迪太 show off 之外,係團隊意識唔夠,明明旁邊已經有兩位隊友,只要佢交出嚟,入波就輕鬆鬆,但係佢偏偏選擇了最難做嘅事,話晒佢都仲要保住份工。不過賽後朗奴高文對呢位小將都好保護,話佢只係19歲未夠,仲有缺點需要改善。

如果喜歡我們的文章,請即分享到︰

標籤: 法迪  朗奴高文  

留言


請按此登錄後留言。未成為會員? 立即註冊
    快捷鍵:←
    快捷鍵:→