屎忽撞棍?世界級助攻?美斯凌空腳面 set 後俾尼馬轟入!

球場新聞 於 07/08/2022 發表 收藏文章
各大聯賽開鑼,法甲霸主巴黎聖日耳門(PSG)首戰即現超班本色,第一場作客就以5-0輕鬆擊敗克萊蒙特,當中美斯(Lionel Messi)嘅表現可謂重返巔峰,一傳一射皆是世界級,其中一球「助攻」更係令球迷議論紛紛。

開賽第8分鐘,美斯同尼馬嘅一次精秒配合就為PSG先開紀錄。當時,美斯接應左路傳中,個波彈下彈下,唔係咁易控,當全世界都以為美斯要控定射門嘅時候,佢竟然係用腳面 set 後,俾後上嘅尼馬(Neymar),而後者又好似心有靈犀咁右腳控定再抽射龍門右下角入。
官方精華(0:20開始):

不過球迷對呢個入波議論紛紛,有人話美斯呢球係特登,亦有球迷指美斯似乎係控甩腳,點知咁好彩又去到尼馬腳下:
loading
loading

loading

有球迷話,睇美斯望肩膀個下動作,佢應該係有意傳後。雖然筆者非常認可美斯嘅技術,亦都相信佢要做一定可以傳到咁靚,不過小弟直覺美斯呢球只係咁啱得咁橋,唔知大家又點睇呢?
標籤: 美斯  助攻  

留言


請按此登錄後留言。未成為會員? 立即註冊
    快捷鍵:←
    快捷鍵:→