對手嚇呆咗!艾方素戴維斯狂奔60碼偷波,對手2秒後方知出事

球場新聞 於 15/10/2021 發表 收藏文章
正話個post講完如日中天嘅夏蘭特(真定假呀?夏蘭特連續射入3個垂直足球入死角!),今次呢個又係講一個新星,佢仲要比夏蘭特細一歲,而且佢嘅能力仲試過令到夏蘭特無啖好食,佢同樣來自德甲,佢就係拜仁幕尼克嘅19歲左閘艾方素戴維斯(Alphonso Davies)。

喺日前嘅世界盃外圍賽,呢位加拿大嘅球員喺第66分鐘嘅一球令觀眾咋舌。當時,加拿大隊出現失誤,個波傳咗俾巴拿馬,呢個時候基本上雙方球員都係排返好個陣,巴拿馬嘅就準備進攻,而加拿大當然棄攻為守,點知喺加拿大呢邊嘅右方,竟然有個黑影從後場突然狂奔到前場,而且仲成功偷咗巴拿馬個波,對手被偷咗個波之後,好似仲未知咩事,定咗成兩秒先知個波俾人偷咗。原來偷波嘅係拜仁嘅19歲左閘艾方素戴維斯,佢身為一個左閘,竟然喺右邊線出現,最後仲自導自演射入埋,成個過程唔夠10秒,認真恐怖!

最後,加拿咗入咗4球,以4—1擊敗巴拿馬,4球入面有3球都關艾方素戴維斯事!

CityNews 新聞片段:

Sportsnet 新聞片段:
loading


其實呢位小將上季已經令人眼前一亮,佢嘅速度之快,仲喺一場比賽嘅一次衝刺中,以22.7英里/小時(約合36.5公里/小時)嘅瞬間速度,打破咗德甲最快瞬間時速紀錄!除咗速度,佢嘅爆發力亦好驚人,而且腳下功夫亦不俗,絕對係一位令人期待嘅新星!

艾方素戴維斯球王片:

留言


請按此登錄後留言。未成為會員? 立即註冊
    快捷鍵:←
    快捷鍵:→