如此緊張的12碼大戰,卡斯米路竟然手舞足蹈?

球場新聞 於 24/04/2023 發表 收藏文章
英格蘭足總盃四強,曼聯與白禮頓激戰120分鐘依然未能分出勝負,最終白禮頓嘅蘇利馬治射失,曼聯憑住互射12碼成功晉級決賽,面對宿敵曼城,係足總盃決賽史上首度上演曼市打吡。

互射12碼係一個觀眾同球員都好緊張嘅時刻,但曼聯觀眾席上有球迷就影到紅魔中場卡斯米路好似一啲都唔緊張,仲喺隊友附近手舞足蹈,似乎係想緩和一下緊張嘅氣氛:

loading
loading

loading

經驗豐富嘅卡斯米路見慣呢啲大場面,所以佢睇落去一啲都唔緊張,而且佢係主動請纓射一輪:

loading


曼聯名宿史高斯就大讚呢位巴西中場:「佢擁有豐富嘅經驗,喺皇家馬德里贏得了多次冠軍,對團隊中嘅年輕球員至關重要。佢就好似足球場上嘅教練,你可以見到佢加入球隊後嘅差別同貢獻,但我認為佢喺球場上嘅表現無得到應有嘅讚譽。

「佢係一名真正優秀嘅傳球手,呢點令我有啲驚訝,因為你知道皇家馬德里嘅傳球手係摩迪同卻奧斯,但喺卡斯米路好識踢球。你可以睇到佢喺進攻端、防守端甚至控制比賽時嘅表現。佢可能係你能夠搵到最接近堅尼嘅球員之一。」
標籤: 卡斯米路  足總盃  

留言


請按此登錄後留言。未成為會員? 立即註冊
    快捷鍵:←
    快捷鍵:→